Presentación da Memoria de Responsabilidade Social Universitaria o vindeiro 29 de xuño

A Universidade da Coruña(UDC) vai presentar a súa primeira Memoria de Responsabilidade Social Universitaria (RSU) o vindeiro 29 de xuño, ás 12:00. O acto terá lugar no Paraninfo da Reitoría e será presidido polo reitor, José Mª Barja, e polo presidente do Consello Social, Antonio Abril.

Por primeira vez, a UDC publica a súa Memoria de Responsabilidade Social Universitaria como parte dun proxecto de coincidencia entre as súas accións e a súa política de goberno e extratexia de xestión, implicando non só á comunidade universitaria (ao  estudantado, ao persoal docente e investigador e ao persoal da administración e servizos) senón á cidadanía, á administración pública e ás empresas do noso contorno, como os nosos principias grupos de interese.

A Memoria é froito do convenio de colaboración asinado por INDITEX S.A. e a UDC o 10 de marzo de 2010, data na que ambas institucións acordaron aunar esforzos co obxecto de promover a implantación dun modelo de RSC na UDC.

Se desexas asistir, contacta con: consello.social (arroba) udc.es.